Ҳукуматнинг Ўш вилоятидаги вакили Узарбек Жилқибаев 12-май куни «Интимақ» телеканалиндаги жонли ёйинда вилоят ҳудудида юзқоп тақмасдан юрганларга жарима солинмаслигини маълум қилди.
Бишкекда юзқобсиз юрганларга жарима солиш чоралари қўлланилаётганини айтган журналистнинг саволига Жилқибаев қуйидагича жавоб берди:
«Биз Бишкекдагидек қарорларни қабул қилмадик. Халқимизга ишонамиз. Телевидение орқали эслатмоқдамиз. Қишлоқ бошлиқларини, қишлоқ кенгаши депутатларини, аёллар ва ёшлар қўмитасини ишга солганмиз, барчаси тушунтириш ишларини олиб боришмоқда. Аммо нотўғри йўналишда кетаётганлар ҳам учрамоқда».
Ўш вилояти ички ишлар бошқармалигининг матбуот котиби Жениш Аширбаев вилоят ҳудудида карантин тартиби йўқ бўлгани учун юзқобсиз юрган одамларга ҳуқуқ тарғиботи ҳодимлари эслатма бериш билан чекланишини айтди.
11-май куни Бишкекда юзқоб (маска) тақмаган фуқароларга жарима солинишини пойтахт мэри Азиз Сурақматов брифинг чоғида маълум қилган эди.
Унинг айтишича санитар нормаларни бажармаганларга, аниқроғи юзқоб тақмаганларга назорат кучайтирилади. Улар 1000 сомдан 5000 сомгача жарима тўлаши керак бўлади.
Бундан ташқари Сурақматов 3-апрелда карантин қоидаларини бузганларга қарата қаттиқ чоралар қўлланиш бўйича Ҳулқ атвор кодексига ўзгартиришлар киритилганини эслатган. Шу сабабли 1000 сомдан 180 минг сомгча жарима солинишини қўшимча қилган эди.
Жарима миқдорини шифокорлар, юқумли касалликлар шифокорлари ва Ички ишлар органи ҳодимлари аниқлайди.
👍👍👍👍👍👍