Жалолободда номаълум шахслар тунда депутатнинг оғасини отиб кетишди

26-майдан 27-майга ўтар кечаси Жалолобод шаҳрида спортчи Нурбек Акановнинг акасига ўқ отилиб, шифохонага тушган. Бу ҳақда  Turmush сайти ёзмоқда.

Жалолобод вилоят шифохонасининг шифокори Алмаз Тайлановнинг айтишича, тунги соат ўн иккилар атрофида  1977-йили таваллуд топган   С.А. исмли шахс шифохонага мурожаат қилган.

«Беморнинг 6 жойидан жароҳати бор. Елим ўқ икки ёнбошига, белига теккан. Ўқ танасига 4-4,5 сантиметр кирган экан. 3 жойида танасини шилиб ўтган. Бизга келган вақтда навбатчи шифокорлар 1 елим ўқни белидан олишган. Қолганлари тушиб кетган бўлса керак. Ҳозирда беморни ҳолати қониқарли, биз тавсия қилган дориларни ўз вақтида ичмоқда. Ҳозирда бизнинг назорат остида даволанмоқда», – дейди шифокор.

Ҳодиса Жалолобод шаҳрининг Спутник ноҳиясида содир бўлган. С.А. кўп қаватли биноларнинг биридан чиқаётган вақтида номаълум шахслар травматик тўппонча билан ўқ узишган (елим ўқлар). Жабрланувчи  С.А. таниқли спортчи, “олиш кураши” бўйича Осиё чемпиони, Жалолобод шаҳар кенгашининг депутати Нурбек Акановнинг бир туғишган акасидир.

Жалолобод ВИИБ матбуот хизматининг маълум қилишича, тунда Жалолобод вилоят шифохонасидан Жалолобод ШИИБнинг 102 рақамига хабар келган. Жалолобод ШИИБнинг тезкор-тергов гуруҳи воқеа содир бўлган жойга етиб бориб, суриштирувлар олиб борган. Воқеа содир бўлган жойда номаълум травматик қуролдан отилган елим ўқлар топилиб, гувоҳлар сўроқ қилиниб, керакли материаллар тўпланган. Ушбу факт Жалолобод ШИИБда Жиноят кодексининг 266-моддаси (ўзбошимчалик) билан қайд қилиниб, судгача тергов ишлари очилди, керакли экспертизалар тайёрланди.

Суриштирувлар натижасида воқеа Жалолобод шаҳрининг Манас шоҳ кўчасида содир бўлгани маълум бўлди. Таҳминан соат 22:00 атрофида жабрланувчи А.С.ни осиё миллатига мансуб ноъмалум,  20-25 ёшлар атрофидаги 2 йигит 3-4 маротаба отиб, воқеа жойидан изини яширган.

Aлоқадор хабарлар

Изоҳ