Саудия Арабистони «Хавфсиз Умра» лойиҳасини ишлаб чиқди ва рухсат берилган ва рухсат берилмаган мамлакатлар рўйхатини эълон қилди. Бу ҳақда Қирғизистон муфтийси Ар-Риёд-Мубашер ахборот агентлигига асосланиб хабар берди.
Саудия Арабистони 1-ноябрдан бошлаб 108 мамлакатга Умра ибодатини бажаришга рухсат берган. Бунга Тожикистон, Қозоғистон, Ўзбекистон, Хитой, Туркия, Озарбайжон ва Белорусия киради.
Ҳозирча Қирғизистон вақтинчалик рухсат берилмаган 20 давлат қаторида бўлиб қолмоқда.
23-сентябрь куни Саудия Арабистони тожливирус касаллиги камайган мамлакатларга Умрани бажаришга рухсат беришини эълон қилиб, бунинг учун жадвал ишлаб чиқишини маълум қилган.
Саудия Арабистони март ойида COVID-19 вируси туфайли ҳажга боришни тақиқлаган эди.