Қирғизистон Ўзбекистондан олиб келинган тарвузларнинг сифатини текширади

Бу ҳақда Қирғизистон Республикаси Президенти девонининг Жалолобод вилояти ҳудудий иқтисодиёт ва комплекс ривожлантириш бўлими бошлиғи Ирисбек Изабеков маълум қилди.

Унга кўра, ветеринария ва фитосанитария хизматлари «Дўстук» назорат-ўтказиш пунктида бу ишларни амалга оширишга киришган.

“Фермерлар тарвузлари нархи тушиб кетганидан норози. Айтишларича, бу йил дизель ёқилғиси ва бошқа қишлоқ хўжалиги техникалари қимматлашган. Улар шу сабаб Ўзбекистондан келаётган тарвузларнинг сифатини текширишимизни сўрашди. Ихтисослашган мутахассислар билан суҳбатлашдик, бугун «Маданият» назорат-ўтказиш пунктида мобил гуруҳ фаолият кўрсатмоқда. Фермерлар суғориш суви масаласини ҳам кўтардилар ва биз уни ҳал қилдик”, — деди Изабеков.

23 июнь куни Оқси шаҳрида 300 га яқин одам қўшни Ўзбекистондан келаётган тарвуз сифатини назорат қилиш ва импортни камайтиришни талаб қилиб, намойишга чиқди. Айни пайтда тарвузлар Учқўрғон туманидаги бозорда сотилмоқда. Деҳқонлар маҳаллий тарвузлар нархи тушиб кетишидан қўрқишади ва йўқотишларини қоплай олмайдилар.

Йиғилганлар билан бошқарма бошлиғи Ирисбек Изабеков учрашиб, «Дўстук» ва «Маданият» назорат-ўтказиш пунктларига тегишли топшириқлар берилганини маълум қилди.

Қирғизистон Республикасининг Жалолобод вилояти Ахси тумани Уч-Қўрғон қишлоғида 2,5 гектардан ортиқ майдонга тарвуз экилган. Айни пайтда фермерлар тарвузнинг бир килограмми 20 сомдан (0,25 доллар) тушиб кетганидан норози.

Aлоқадор хабарлар

Изоҳ