Суйун Ўмурзақовнинг прокурор укаси 20 миллион сом тўлаганидан кейин уй қамоғига чиқарилди

Кўмир конини эгаллаб олишда гумон қилиниб ҳибсга олинган Ўш вилоят прокуратураси прокурори Улуқбек Ўмурзақов уй қамоғига чиққан. Бу ҳақда Миллий хавфсизлик давлат қўмитаси матбуот хизмати хабар бермоқда.

 

Маълум бўлишича, Қарорни Бишкек шаҳрининг Биринчи май туман суди қабул қилди.

Текширув давомида Ўмурзақов ва у билан бирга ушланганлар Жўлчирақ кўмир конида ноқонуний равишда кўмир қазиб олишаётгани аниқланган.

«30-январь куни Ўмурзақов тергов билан ҳамкорлик қилгани ва давлатга 20 миллион сомлик зарарни тўлаганлиги учун уй қамоғига олинган», – дейилади хабарда.

Шунингдек, прокурор ўз хоҳиши билан истеъфога чиққанлиги ҳақида хабар берилди.

Эслатиб ўтамиз, ички ишлар вазири ўринбосари Суйун Ўмурзақовнинг укаси Улуқбек Ўмурзақов ўтган йилнинг ноябрь ойида ҳибсга олинган эди.

Aлоқадор хабарлар

Изоҳ