Бош вазир лавозимига кўрсатилган Улуқбек Мариповнинг таржимаи ҳоли

Олий Кенгашдаги кўпчилик коалицияси Улуқбек Мариповнинг Бош вазир лавозимига номзодини маъқуллади. Ҳукумат таркиби 3-февраль куни парламентнинг ялпи мажлисида муҳокама қилинади.

Улуқбек Мариповнинг таржимаи ҳоли:

 

Улуқбек Марипов 1979-йилнинг 30-августида Ўш вилояти, Новқат тумани, Қирғиз-Ота қишлоғида туғилган. Ўш Техник Университетини тамомлаган. Шунингдек, Ўш давлат университетининг молия ва кредит, ҳуқуқшунослик мутаҳасислиги бўйича тамомлаган.

 

Иш фаолияти:

1997-2001 – «Қизил-Кетмен» деҳқон хўжалиги раҳбари;

2001-2002 – Молия вазирлигининг етакчи мутахассиси;

2002-2003 – Молия вазирлиги Даромадлар қўмитаси раисининг ёрдамчиси;

2003-2005 йилларда – Боткен вилояти ҳокимининг ёрдамчиси;

2005-2006 – Олий Кенгаш депутатининг маслаҳатчиси;

2006-2008 – Президент маъмуриятининг ташкилий ишлар, назорат ва давлат бошқаруви сиёсати бўлими мутахассиси;

2008-йилнинг октябридан 2009 йилнинг октябригача – Президент маъмуриятининг ташкилий ва давлат бошқаруви сиёсати бўлимида давлат инспектори;

2010-йил – Фавқулодда вазиятлар вазирлиги халқаро ҳамкорлик бошқармаси бошлиғи;

2010-йилнинг декабридан 2011-йилнинг декабригача – Ҳукумат девони ташкилий-инспекторлик ва ҳудудий бошқарув бўлимида инспектори;

2011-йилнинг декабридан 2015-йилнинг апрелигача – Президентнинг ёрдамчиси;

2015-йил – Президент девони раҳбарининг биринчи ўринбосари;

2016-йилдан бошлаб у Ҳисоб палатасининг раиси бўлиб ишлаган.

Марипов – III даражали давлат хизматининг маслаҳатчиси, аъло даражадаги давлат хизматчиси.

 

Aлоқадор хабарлар

Изоҳ