Жалолободдаги жазони ижро этиш муассасасига пул олиб келишга уринишлар тўхтатилди, деб хабар қилмоқда Жазони ижро этиш давлат хизмати матбуот хизмати.
Хабарда айтилишича, 5-январь куни соат тахминан 12:00 да Боткен вилоятида яшовчи М.А. қўлга олинган. Унинг эри қамоқда жазосини ўтаётган эди.
Аёл тақиқланган нарсалар рўйхати билан танишган. У назорат-ўтказиш пунктига уяли телефони, зарядловчи қурилмаси ва 70 сомини қолдириб, тақиқланган буюмлар йўқлиги тўғрисида хабар бериш учун назорат хонасига борган.
У ерда унинг кўйлаги ичида қора сумка топишган. Унда 40 минг рубль ва 1300 сом бўлган.
Ушбу факт Жазони ижро этиш хизматининг терговчисига ўтказилди.
