2019-йилда Қирғизистонда 26,1 тонна олтин қазиб олинган. Бу кўрсаткич 2018-йилга нисбатан 2,9 тоннага кўпдир. Давлат ҳазинасига 12,9 млрд сом солиқ тушди. Маҳсулотни ишлаб чиқаришнинг ҳажми 19,9 млрд сомни ташкил қилди. Бу ҳақда бош вазир Муҳаммедқалий Абилғазиев 13-майда Олий Кенгашнинг мажлисида маълум қилди.
Вазирнинг айтишича, Қумтўрдан қарамликни камайтириш, давлат улушини кўпайтириш ишлари олиб борилди. Қумтўрдан бошқа конларда 7,4 тонна олтин ишлаб чиқарилди.
2019-йилнинг 14-августида Қуруқ-Теварак конида «Кичик-Чаарат» олтин комбинати ўз фаолиятини бошлади. Чотқоллик 490 нафар одам ишга қабул қилинди.
2019-йилнинг 11-ноябрида Ер-Уй конида ер қобиғинининг сиртидаги тоғ-кон ишлари бошланди. Олтиннинг заҳираси 106 тонна. Маҳааллий аҳолидан 877 нафар инсон иш билан таъминланди. Олтин қуювчи фабрика ишга тушганда, қўшимча 250 иш ўрни тузилади.
Шунингдек, Мақмал конида маҳаллий аҳолидан 418 киши иш ўрни билан таъминланди.
