Қирғизистонда гўшт нархи қимматлагани сезилди. Баъзи жойларда нарх 50 сомгача кўтарилганини Монополияга қарши агентликнинг тартибга солинадиган ҳудудлар бошқармаси бошлиғи Сағин Маматўмўров «Маралга» берган суҳбати чоғида айтиб ўтди. Унинг сўзларига кўра, бозор иқтисодиёти туфайли ҳеч ким нархларни назорат қила олмайди.
– Аммо гўшт нархининг ўсиши 20 фоиздан ошса, биз ҳукуматни хабардор қиламиз. Кейин ҳукумат буйруқ чиқаради ва биз нархларни назорат қилиш учун жавобгар бўламиз. Бундай ҳолда биз нархларни бир ҳафта ичида ўз ҳолига келтиришимиз мумкин, – деди Маматўмўров.
У гўшт билан шуғулланган савдогарларга юзланиб, реал нархларда сотишга чақирди.
Таъкидлаш жоизки, Қирғизистонда гўшт нархи қимматлагани айтилмоқда. Монополияга қарши агентликка кўра, қорамоллар қўшни мамлакатларга оммавий экспорт қилинаётгани сабаб бўлмоқда.
Ветеринария ва фитосанитария инспекциясининг маълумотларига кўра, жорий йилда 5262 бош қорамол қўшни мамлакатларга экспорт қилинган. Бу ўтган йилга нисбатан 35,7 марта кўпдир.
