Элвира Сурабалдиева Бош вазир ўринбосари этиб тайинланди. Тегишли фармонни Президент вазифасини бажарувчи Садир Жапаров имзолади.
Олий Кенгаш депутатлари бугун, 28-октабрь куни Элвира Сурабалдиеванинг бош вазир ўринбосари лавозимига номзодини маъқулладилар. Уни депутатларга биринчи бош вазир ўринбосари Артем Новиков таништирди. Мажлисда номзодга саволлар берилмади.
Бугун парламентнинг Конституциявий қонунлар, давлат тузилиши ва суд-ҳуқуқ масалалари қўмитаси ҳам Сурабалдиеванинг номзодини кўриб чиқди ва қўллаб-қувватлади.
27-октабрь куни Олий Кенгаш депутати Элвира Сурабалдиева мандатини топширган.
